ကျနော် ဟိုးထဲက ရေးမယ်ဆိုပြီး မရေးဖြစ်ခဲ့တာတွေ အများကြီးပဲ။ အဲဒီထဲက အကြွေးတစ်ခု စဆပ်ပါ့မယ်။ Gif Animation photo တွေ လုပ်တာကို ပြောပြချင်ပါတယ်။ Software တွေ အများကြီးရှိတယ်။ နည်းတွေလည်း အမျိုးမျိုးရှိတယ်။ လက်စွဲတော် Photoshop ကိုပဲ သုံးပြီး လုပ်ပြသွားပါ့မယ်။ အဓိက က ရည်ရွယ်တာကတော့ Gif တွေ ဘယ်လို အလုပ်လုပ်သလဲ၊ ဘယ်လို အသက်သွင်းသလဲဆိုတာကို နည်းနည်းလေးမှ မသိသေးတဲ့သူတွေ အတွက် ရည်ရွယ်ပါတယ်။ အစက အခြေခံ ၄ မျိုးလောက် လုပ်ပြပြီး ဒီပို့စ်ကို တင်ပြဖို့ပါပဲ။ အရမ်းရှည်သွားတာနဲ့အမျှ နားရှုပ်သွားမှာလည်း စိုးတယ်။ အဲဒီအတွက် ပို့စ်တွေ ခွဲပြီး တစ်ဆင့်ပြီး တစ်ဆင့်တက်သွားပါ့မယ်။ Gif လုပ်ချင်သူများအတွက် Follow me လို့ပဲ ဖိတ်ခေါ်ချင်ပါတယ်။ ကျနော် ပြောတတ်သလောက် အလွယ်ဆုံးတင်ပြပေးပါ့မယ်။
Software အားလုံးလိုလိုက အတူတူပဲဗျ။ အခြေခံ သဘောတရားနားလည် သွားရင် ဘယ် Software မဆို သုံးလို့ရသွားလိမ့်မယ်။ အခု အမြဲသုံးနေတဲ့ Photoshop နဲ့ပဲ ပြပါ့မယ်။
အဓိက windows သုံးခုနဲ့ အလုပ်လုပ်သွားပါ့မယ်။ 1 က မြင်ကွင်း လို့ပဲ ကျနော်ခေါ်လိုက်ပါ့မယ်။ လက်ရှိ စက္ကန့်ပိုင်းမှာ မြင်ရမယ့် အကွက်ပေါ့။ 2 က Layer manager ပေါ့။ 3 ကတော့ Time Line ပဲဖြစ်ပါတယ်။ (Flash နဲ့ အခြားသော Gif maker များလည်း ဒီနည်းအတိုင်းပါပဲ)
ရုပ်ရှင်တွေလိုပေါ့ဗျာ။ ရုပ်သေဖလင် တစ်ကွက်ခြင်းစီကို flow လေးနဲ့ ပေးသွားလိုက်ရင် animation ဖြစ်သွားပါတယ်။ အဓိက က timeline က frame ဖြစ်ပါတယ်။ frame 1 ကို နှိပ်တယ်။ မြင်ကွင်းမှာ မိမိပေါ်စေချင်တာကို layer manager မှာပြုပြင်တယ်။ အဲလိုပဲ frame 1 ကနေစလို့ တစ်ခုပြီး တစ်ခု သွားစေပြီး မိမိဖြစ်စေချင်တဲ့ ပုံကို ဖော်သွားတာပါ။
အောက်မှာ ကြည့်လိုက်ပါ။ frame 2 ခု ရှိတယ်။ layer 2 ခု ရှိတယ်။ frame 1 ကို နှိပ်ထားပြီး layer 1 မှာ 1 လို့ ရေးလိုက်ပါတယ်။
ပြီးရင် Frame 2 ကို နှိပ်ပြီး 1 လို့ရေးထားတဲ့ layer ကို မျက်စိမှိတ်ခိုင်းပြီး ဖျောက်လိုက်ပါတယ်။
(ပထမပုံမှာ frame 1 ကနေ 2 ကို မျှားပြထားတာက time line သွားမယ့် flow ကို ပြချင်လို့ပါ။ ဒုတိယပုံမှာ frame ကနေ မျှားထိုးပြတာက frame မှာ မြင်ရတဲ့အတိုင်း မြင်ကွင်းက လိုက်ပြောင်းတာကို ပြောပြချင်တာပါ။ )
အဲဒီအတိုင်းလေး လုပ်ပြီး timeline ကို 0.2 စက္ကန့်နှုန်းနဲ့ အဆက်မပြက် သွားစေလိုက်တဲ့အခါမှာ အောက်ပါအတိုင်း ပုံရပါတယ်။
အပေါ်မှာ ပြောခဲ့တဲ့ နည်းကိုပဲသုံးပြီး gif မှာ အလွယ်ဆုံး ပုံတစ်ခုကို လုပ်ပြပါ့မယ်။ ကျနော် blockquote မှာသုံးတဲ့ မီးလုံး ပုံလေး ကို တွေ့မယ်ထင်တယ်။ အောက်မှာ ကြည့်ကြည့်ပါ။
spotlight သဘောမျိုး တဖြတ်ဖြတ် လင်းနေပါတယ်။ အဲဒါကို အစအဆုံးလုပ်ပြပါ့မယ်။ (photoshop ကို အခုမှ စတဲ့လူရော၊ gif ကို မလုပ်ကြည့်ဘူးတဲ့လူရော နားလည်အောင် လွယ်လွယ်လေးကို ချဲ့ကားရေးပါ့မယ်)
New page တစ်ခုယူမယ် နောက်ခံအနက် ခြယ်မယ်။ (ဒီလောက်ကတော့ ပြနေစရာမလိုလောက်ဘူးထင်ပါတယ်)
ပြီးရင် Tool box က Custom shape tool ကို ရွေးပါတယ်။ Options bar မှာ မီးလုံးပုံလေးကို ရွေးပါတယ်။
မီးလုံးပုံလေးတစ်ခုကို ဆွဲပါတယ်။ အဲဒီမီးလုံး layer လေးပေါ်လာပါတယ်။ shape 1 ဆိုတဲ့နာမည်နဲ့ပေါ့။ shape 1 layer ကို drag ဆွဲပြီး layer manager က create new layer ခလုပ်လေးရဲ့ အပေါ်မှာ ချပေးလိုက်ပါတယ်။
Shape 1 Copy ဆိုပြီး နောက်ထပ် layer တစ်ခု ထပ်ထွက်လာပါတယ်။ Menu bar က Window – Animation ကို နှိပ်ပါတယ်။
အောက်မှာ မြင်တဲ့အတိုင်း time line ပေါ်လာပါတယ်။
Rectangular Marquee Tool (Shortcut – M) ကို သုံးပြီး မီးသီးဖင်ကို select လုပ်ပါတယ်။
Shape 1 Copy ဆိုတဲ့ layer ကို Right-Click နှိပ်ပြီး Rasterize Layer ကို နှိပ်လိုက်ပါတယ်။
ပြီးရင် ကီးဘုတ်က Delete ကီးကို နှိပ်လိုက်ပါတယ်။ Shape 1 Copy layer မှာ မီးသီးဖင် ပြတ်သွားပါပြီ။ (မီးသီး မီးလင်းတဲ့ ပုံ လုပ်မှာပါ။ မီးသီးဖင်ကပါ အလင်းတွေ မထွက်စေချင်တဲ့အတွက် အလင်းထွက်မယ့် layer မှာ ဖင်ကိုဖြတ်ပစ်လိုက်တာပါ)
Shape 1 Copy layer ကိုပဲ Right-Click နှိပ်ပြီး Blending Options ကိုနှိပ်ပါတယ်။ Outer Glow ကို အောက်ပါအတိုင်း ပြောင်းလဲချိန်ပေးပါ။
ပြီးရင် time line က frame 1 ကို Drag ဆွဲပြီး Duplicates Selected frames ဆိုတဲ့ ခလုပ်ပေါ်မှာ လွှတ်ပေးလိုက်ပါတယ်။
frame နှစ်ခု ရလာပါတယ်။ ကီးဘုတ်က Ctrl ကီး ကို ဖိထားရင်း frame နှစ်ခုလုံးကို click လိုက်ပါတယ်။ နှစ်ခုလုံး select လုပ်တာပါ။ ပြီးတော့ 0 sec. ဆိုတဲ့ အချိန်ရဲ့ ဘေးမှာ Down arrow လေး တွေ့ပါလိမ့်မယ်။ အဲဒါကို နှိပ်ပြီး 0.2 sec လို့ ပေးလိုက်ပါတယ်။ (မိမိ ကြိုက်နှစ်သက်ရာ အချိန် ထားပြီး စမ်းကြည့်လို့ရပါတယ်)
frame 1 ကို click ပြီး layer manager က shape 1 copy ကို ဖြောက်ထားလိုက်ပါတယ်။ (မျက်လုံးပုံ နေရာလေးကို နှိပ်ရင် ပျောက်သွားတာ ပြောခဲ့ပြီးပါပြီ)
frame 2 ကို click ပြီး shape 1 copy ကို ပြန်ဖော်လိုက်ပါတယ်။ (အဲဒီနေရာပဲ ပြန်နှိပ်လိုက်ရင် ပြန်ပေါ်လာပါတယ်)
time line အောက်က play ခလုပ်လေး နှိပ်ကြည့်ပါ။ အောက်ပါတိုင်း မြင်ရပါလိမ့်မယ်။
အဲဒီ preview ကိုကြည့်ပြီး flow အနှေးအမြန် စသည်ဖြင့် မိမိ ပြောင်းလဲချင်တာကို ပြောင်းလဲနိုင်ပါတယ်။
save တော့မယ်ဆိုရင်တော့ File – Save For Web & Devices (shortcut – Alt+Ctrl+Shift+S) ကို နှိပ်ပါတယ်။
အဲဒီမှာလည်း preview အနေနဲ့ ကြည့်လို့ရပါတယ်။ play ခလုပ်လေးရဲ့ အပေါ်မှာ looping Options : ကို Forever ပေးထားတာ တွေ့ရမှာပါ။ Forever ဆိုရင် မိမိ မီးသီးက မှိန်လိုက် လင်းလိုက် အဆက်မပြက် ဖြစ်နေမှာပါ။ Once လို့ပေးလိုက်ရင်တော့ တစ်ခါဖွင့်မှ တစ်ကြိမ်ပဲ လင်းပါလိမ့်မယ်။
Save ကို နှိပ်ပြီး မိမိပေးချင်တဲ့ နာမည်ပေး save နိုင်ပါတယ်။
ရလာဒ်က အောက်ပါအတိုင်းဖြစ်ပါလိမ့်မယ်။
frame နှစ်ကွက်ထဲ သုံးပြီး နည်းနည်းလေး နားလည်သွားအောင် ပြလိုက်တာပါ။ first tutorial ပေါ့။ နားလည်မယ်လို့ ထင်ပါတယ်။ နောက်ထပ်ပြီး frame အကွက်တွေ တိုးသွားမယ်။ time ကို တစ်ပြေးညီ မဟုတ်ပဲ လိုသလိုပြောင်းမယ်။ tweens animation frames ကို သုံးပြီး တဖြည်းဖြည်း မှိန်တာ ပေါ်တာတွေ၊ motions တွေကို ဆက်လက် တင်ပြသွားပါ့မယ်။ အလွယ်ဆုံးဖြစ်အောင် ရေးလိုက်တာပါ။ ဒီထက် ပိုလွယ်အောင် ကျနော် မရေးတတ်တော့ပါဘူး။ လူတိုင်းနားလည် လိမ့်မယ်လို့ ထင်ပါတယ်။ အဆင်မပြေတာလေးတွေ ပြန်အော်ပါဦးဗျာ …
Photoshop CS 3 ကို သုံးခဲ့တာပါ။ ဒေါင်းလို သူများ ဒီမှာ တင်ထားပါတယ်။
ယခုပို့စ်အတွက် PDF Download 
0 comments:
Post a Comment